I have suddenly found myself with an abundance of time, so sharing something after a long while. Not a finished product, not even a first draft, just notes. Nevertheless, if anyone lands here somehow, do let me know your thoughts.
Bhatakte raahon mein, khud se takra gaye,
Vaakya bana ek, jo khud se takra gaye,
Kayi shab baad, jaana khud ko waapis,
Apna saa ehsaas hua, par ajnabi saa bhi laga,
Yaad nahi aa raha, kin raahon par yon be libaas khade the...
Ab khud ko apnana mushkil lagta hai,
Naa hi yeh bhoot jo yahaan mila hai,
Naa hi woh jo kayi dinon se saath chal raha hai,
Ajab si tees hai, is mulakaat mein,
Khud ko naa pehchanana, bahut khaufnaak saa lagta hai...
Bikhre huye tukde jo dhak rakhe the,
Ughad gaye hain ab, par pehchaan me nahi aate hain,
Yeh ansh bator, ek chitr banane ki koshish ki hai,
Shaayad koi tukda, kahin abhi bhi fit ho jaaye,
Aaj ke adhoore chitr mein,
Asmanjas bhi hai, hichak bhi hai,
Ki yeh puraane tukde, Sahooliyat kam naa kar dein...
Kab khud se itna door aa gaye, samajh nahi aata,
Ajeeb saa pratibimb hai yeh,
Naa isko pehchaan paa rahe hain,
Naa hi sheeshe mein deekh rahi chavvi ko,
Shayad libaas odhe, uss poorvnirdhaarit maarg par chalte rehte toh,
Tees toh uthti, par dil aise tootta nahi,
Shayad bhatakne nahi niklna chahiye tha...
Ab khud ke vichaar keval asuvidha hi dete hain,
Ya ab himmat nahi rahi, pukhta sochne ki,
Khud ki khushi me avrodh banane ki, lat si lag gayi hai,
Baahar ka shor kam nahi hota,
Khud ki aawaaz usmein doob si gayi hai,
Ab apna sab anjaana saa lagta hai...
Koshish nahi hai lautne ki, par kahin dabi ek iccha hai,
Aur keval wahi ek iccha hai,
Baaki toh keval kapit jhigyasa hai,
Ab karein toh karein kya,
Koi kabhi mile, jo woh samjhe,
Toh humein bhi samjhaaye,
Thehrein, ki aankh moond chalte jaayein?
Koi toh is sabka maayena samjhaaye,
Bhautik se kaise nijaad paayein,
Nijaad naa hi paa paayein,
Toh yeh do shaks waapis kaise milaayein...
